पपई खाण्याचे ‘हे’ आहेत 5 जबरदस्त फायदे !

पपई खाण्याचे ‘हे’ आहेत 5 जबरदस्त फायदे !

प्रत्येक सिझनमध्ये मिळणारी फळे ही आरोग्यासाठी फायदेशीर असतात. प्रत्येकाने दिवसातून एक तरी फळ खावे असे डायटीशियन सांगतात. मात्र मधुमेह, गर्भवती महिला किंवा इतर कोणतेही विकार असणाऱ्यांनी फळे खाताना काही गोष्टींची विशेष काळजी घेणे आवश्यक असते.

फळे आरोग्यासाठी चांगली असतातच पण या फळांचे आरोग्यासाठी असणारे विशिष्ट फायदे आपल्याला माहिती नसतात. पपई उष्ण असल्याने ती थंड वातावरणात खावी किंवा ती त्वचा नितळ होण्यासाठी चांगली असते अशा काही ढोबळ गोष्टी आपण ऐकत असतो. पण त्याचे काही फायदे जाणून घेतल्यास हे फळ खाणे का आवश्यक आहे हे समजणे सोपे होते. जवळपास सर्व सिझनमध्ये मिळणाऱ्या पपईचे आरोग्याला होणारे फायदे…

रोगप्रतिकारक शक्ती वाढविण्यासाठी –

पपईमुळे व्यक्तीच्या रोगप्रतिकारक शक्तीमध्ये वाढ होते. प्रतिकारक शक्ती चांगली असल्यास कोणताही आजार झाल्यावर त्यापासून लवकरात लवकर बरे होण्यास मदत होते. पपईमध्ये मोठ्या प्रमाणात जीवनसत्त्व ‘क’ असते. पपई खाल्ल्याने शरीरातील या जीवनसत्त्वाची पातळी चांगली राहण्यास मदत होते.

डोळ्यांचे आरोग्य सुधारते –

पपईमध्ये जीवनसत्त्व ‘अ’चे प्रमाण मुबलक असते. डोळ्यांचे आरोग्य चांगले राहण्यासाठी ‘अ’ जीवनसत्त्वाची आवश्यकता असते. वयानुसार दृष्टी कमी होण्याची समस्या उद्भवू नये यासाठी पपई खाणे फायदेशीर ठरते.

पचन सुधारते –

जेवणाच्या वेळा बदलणे, काही कारणांनी बाहेरचे खावे लागणे, वातावरणातील बदल यांचा शरीरावर परिणाम होत असतो. यामध्ये पचनशक्तीवर परिणाम होतो. मात्र पपई खाल्ल्यास पचनशक्ती सुधारण्यास मदत होते.

वजन कमी करण्यास उपयुक्त –

अनेकदा आपल्याला अवेळी भूक लागते. मात्र पपईने या भुकेवर नियंत्रण मिळविणे शक्य होते. एका मध्यम आकाराच्या पपईमध्ये साधारण १२० कॅलरीज असल्याने पोट भरते. याशिवाय पपईमध्ये असणारे फायबर्स भूकेवरील नियंत्रणासाठी अतिशय उपयुक्त ठरतात.

ताण कमी होण्यास हातभार –

दिवसभराच्या धावपळीने आपल्याला बऱ्याचदा थकल्यासारखे जाणवते. अशावेळी वाटीभर पपईचे काप खाल्ल्यास आलेला शीण कमी होण्यास मदत होते. याशिवाय शरीरातील हॉर्मोन्सचे प्रमाण संतुलित राखण्यासही हातभार लागतो.

टीप- या लेखात दिलेली माहिती आणि सूचना ही सर्वसामान्य माहितीवर आधारित आहे. News Update याची पुष्टी करत नाही. याची अंबलबजावणी करण्यापूर्वी तज्ज्ञांसोबत संपर्क साधावा.

Themaharashtrian

Leave a Reply

Your email address will not be published. Required fields are marked *