विराटच्या विक्रमी शतकावर बोलताना शोएब अख्तरची जीभ घसरली, म्हणाला; त्याच्या शरीरातील हाडे….

विराटच्या विक्रमी शतकावर बोलताना शोएब अख्तरची जीभ घसरली, म्हणाला; त्याच्या शरीरातील हाडे….

तब्बल तीन वर्षांच्या प्रतीक्षेनंतर विराट कोहलीने शतक झळकावले. अफगाणिस्तानविरुद्ध विक्रमी 122 धावा करून कोहलीने केवळ 71 वे शतकच ठोकले नाही, तर शतकांच्या दुष्काळाबाबत सुरू असलेली चर्चाही संपवली. एवढेच नाही तर कोहलीने पुन्हा एकदा 100 शतकांच्या आशा पल्लवित केल्या आहेत.

8 सप्टेंबर रोजी अफगाणिस्तान विरुद्ध आशिया चषकाच्या शेवटच्या सामन्यात कोहलीने केवळ 61 चेंडूत नाबाद 122 धावा केल्या होत्या. यादरम्यान कोहलीने 12 चौकार आणि 6 षटकारही मारले. कोहलीने 32 चेंडूत 50 धावा पूर्ण केल्या. भारताच्या माजी कर्णधाराने शेवटच्या 21 चेंडूत 63 धावा दिल्या.

अशाप्रकारे कोहलीने टी-20 क्रिकेटमध्ये टीम इंडियासाठी पहिले शतक पूर्ण केले आणि आशिया कपमध्ये सर्वाधिक धावा करणारा फलंदाज बनला. आता पुन्हा एकदा विराट कोहलीला आपला फॉर्म गवसला आहे. त्यामुळे विराट कोहली पुन्हा एकदा ॲक्शन मध्ये आला आहे, असं क्रिकेट तज्ञ म्हणत आहेत.

लवकरच कोहली शतकांचे शतक बनवेल अशी आशा आता पुन्हा एकदा चाहत्यांच्या मनात निर्माण झाली आहे. परंतु यावर पाकिस्तानी खेळाडू शोएब अख्तरने मात्र काही तरी भलतंच विधान केलं आहे. विराट कोहलीच्या 100 शतकांबद्दलविधान करत तो म्हणाला, असं होऊ शकतं.

पण हा प्रयत्न कोहलीला पिळवटून टाकेल, असा विश्वास पाकिस्तानचा माजी वेगवान गोलंदाज शोएब अख्तरने व्यक्त केला. आशिया चषक स्पर्धेत भारतीय संघ विजेतेपद न जिंकता बाहेर पडला होता, पण ही निराशा कोहलीच्या शेवटच्या सामन्यातील बहुप्रतिक्षित शतकामुळे दूर झाली.

कोहलीने नोव्हेंबर 2019 मध्ये त्याचे 70 वे शतक झळकावले आणि त्यानंतर 71व्या शतकासाठी कोहलीला 1021 दिवस वाट पाहावी लागेल असे कोणालाही वाटले नव्हते. त्यामुळे सचिन तेंडुलकरचा 100 शतकांचा विक्रम मोडण्याच्या आशा पल्लवित होताना दिसत आहेत.

आता कोहलीने चाहत्यांमध्ये आणि तज्ञांमध्ये ते पुन्हा जिवंत केले आहे. काही आठवड्यांपूर्वी कोहलीच्या समर्थनार्थ वक्तव्य करणाऱ्या शोएब अख्तरने भारतीय दिग्गज खेळाडूचे अभिनंदन केले आणि शतकाच्या वाटेवर परतल्याबद्दल देखील आनंद व्यक्त केला.

उर्वरित 29 शतके झळकावणे कोहलीसाठी सोपे नसेल, पण असे करून तो महानता प्राप्त करेल, असे शोएबने सांगितले. त्याच्या यूट्यूब चॅनलवरील व्हिडिओमध्ये माजी पाकिस्तानी वेगवान गोलंदाज म्हणाला, ‘येणारी 29 शतके कोहलीला पिळून टाकतील, त्यांचा नाश करतील. पण त्यांना कोणतीही खंत वाटणार नाही.

त्याच्या शरीराची हाडे आणि बरगड्या तुटलेल्या असतील, भावनिकदृष्ट्या खचून जातील, पण ही 29 शतके करणे आवश्यक आहे. या 29 शतकांमुळे तो आतापर्यंतचा महान फलंदाज ठरेल.’ अफगाणिस्तानविरुद्धच्या शतकादरम्यान पहिल्या 50 धावा करताना कोहली आपल्या जुन्या रंगात दिसला नाही, पण पुढच्या 50 धावांमध्ये जेव्हा त्याने आपली जुनी शैली दाखवली, तेव्हा तो धावा आणि चौकार ठोकत होता, असेही अख्तर म्हणाला.

Neeta

Leave a Reply

Your email address will not be published.