भारतीय कर्णधार विराट कोहली ला होणार अटक? वाचा काय आहे प्रकरण
भारतीय संघाचा कर्णधार विराट कोहली ऑनलाइन जुगार (gambling) प्रकरणी अडचणीत सापडण्याची शक्यता आहे. मद्राय हाय कोर्टात भारतीय कर्णधाराविरुद्ध अटकेची याचिका दाखल करण्यात आली आहे. विराटवर आरोप करण्यात आला आहे की, तो ऑनलाइन ऑनलाइन जुगार खेळाण्यासाठी प्रोत्साहन देत आहे.
या याचिकेत असे म्हटले आहे की जिथे ऑनलाईन जुगार खेळला जातो अशा अ‍ॅप्सवर बंदी घाला. यामुळे तरुणांवर चुकीचा परिणाम होत असल्याचा दावा याचिकेत करण्यात आला आहे. पुढे असे म्हटले आहे की या ऑनलाइन जुगार अॅपमध्ये क्रिकेटर विराट कोहली आणि अभिनेत्री तमन्नाचा जाहिरातीसाठी वापर केला जातो.
चेन्नई येथील वकिलाने उच्च न्यायालयात ही याचिका दाखल केली आहे. वकिलाच्या म्हणण्यानुसार अशा गोष्टींचा प्रचार करणार्‍या स्टार्सना अटक केली पाहिजे. या याचिकेत असेही नमूद केले आहे की एका युवकाने अशा एका अॅपवर जुगार खेळण्यासाठी पैसे घेतले होते, मात्र जेव्हा पैसे भरले नाहीत तेव्हा त्याने आत्महत्या केली. या प्रकरणाची सुनावणी मंगळवारी 4 ऑगस्ट रोजी होईल.
दुसरीकडे पूरग्रस्तांना मदत करत आहे कोहली
लॉकडाऊन झाल्यापासून कोहली मुंबईतील घरी पत्नी अनुष्का शर्मासोबत आहे. काही काळ सोशल मीडियावर ब्रॅण्ड्सची जाहिरात करत होता. दरम्यान, शुक्रवारी त्यांनी आसाममधील पूरग्रस्तांच्या मदतीची घोषणा केली. एका निवेदनात विराट आणि अनुष्का शर्मा म्हणाले की, अॅक्शन एड इंडिया, रॅपिड रिस्पॉन्स आणि गुंज या मदत कार्यात सहभागी असलेल्या 3 संस्थांना ते मदत करत आहेत.
ते पुढे म्हणाले, ‘आपल्या देशात कोरोना विषाणूचा साथीचा आजार आहे. दरम्यान, आसाम आणि बिहारमधील लोकांनाही पूरस्थितीचा सामना करावा लागत आहे, ज्याचा परिणाम बर्‍याच लोकांच्या जीवनावर आणि जगण्यावर परिणाम झाला आहे.’
